- 28 -

1420. Februar 13.

In Gotis namen amen. Wir Bernhard von gotis gnoden herczug zu Falkenberg vnd herre zu Strelicz etc. Bekennen vffinthlichin mit desem brieffe allen die en sehen hören addir lesen, das vor vns komen ist vnsir getrawir Maczey Wlodar zu Zindowicz gesunt leibis vnd der vornumft, vmbetwngen vnd reicht vff recht vnd redlichin noch seinem tode dem Erbern Maczken seinem vettir, seinen geerben, elichin nochkomelingen vnd nehsten, allis seyn Erbe vnd gut das her hot vnd haben würde, mit der heide genant Lunack vnd dem czeidilwerg, Mit allen vnd iczlichin andern czugehorungen, hirschaften, genissen vnd rechten, mit allir farendir vnd vnfarendir habe, also breyt weyt vnd lang als her is selbir gehabit, gehalden hot vnd besessen, dem vnd gros, vil vnd wenig, gleich ap Iczlichis hie mit seinem namen sundirlichin benant vnd beschrebin stünde, nichtig awsgenomen, domete her noch des genanten Maczeyn vnsers Wlodars tode thuen mag vnd losen, vorkewffen, vorgeben vnd vorsecczin, so em das allirbeqwemste sein würde, vnschedlichin ydoch dem leipgedinge das der geschreben Maczey vnsir Wlodar frawen Annen seinem elichin weibe gemachit hot vnd gereichit, desselben sie genissen sal noch awsweisunge vnsers brieffis den sie dorobir hoth, Sunder noch irem tode sal dasselbe leipgedinge an den gedochtin Maczken komen vnd gefallen, vnd ane seine nehsten, domete her ouch thuen mag vnd losen, vorkewffen vnd vorsecczin, so em das allir nüczlichste sein würde. Mit vrkunde desis brieffis bestetigit Ingeweist vnd vorsegilt mit vnserm furstenlichim angehangendem Ingesegil. Gegebin zu Zindowicz am dinstage vor sinte Valentini tag noch gotis geburt fierczehenhundirt Jor dornoch In dem czwenczigstin Jore. Dobey gewest sint vnser getrawin Olbrecht Vschilnig, Janke Dronofsky, Piafke Strol, Nickil Dröske, Micosch Noss, Mielasch vom Halbendorffe, vnd Otte Bess von Rogaw vnser schreiber.

Mit anhangendem kleinem Siegel in grünem Wachs wie oben N. XXI.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.